Июнь тӧлысся номер восьтӧ Олег Иванович Уляшевлы сиӧм рубрика. Ті верманыд лыддьыны Олег Ивановичлысь «Сё майбырӧй, челядьдырӧй» ичӧтдырся казьтылӧмъяссӧ да «А эг кӧ паныдасьӧй…» кывбур подборка. Тані жӧ Елена Вагнерлӧн да Елена Валуженелӧн статья, кӧні видлавсьӧ «Пан туй» гижӧдлысь ритма прозасӧ.
Тайӧ номерын петӧ и Юрий Васютов збыль вӧвлӧмторъяс подув вылын гижӧм «Подув пуктысьяс» повесьт, кӧні висьтавсьӧ Косланса шӧр школа малая МТС восьтӧм йылысь.
Июнь тӧлысь миян олӧмын нэм кежлӧ кольӧ сьӧлӧм дояӧн да шог казьтыланаӧн — ззаводитчис июнь 22 лунӧ Ыджыд война. Ми ӧнӧдз на ог тӧдӧй, кӧні помассис туйыс уна салдатлӧн. Бур, мый воссьӧны война кадся архивъяс да на отсӧгӧн бур сьӧлӧма йӧз отсалӧны рӧдвужыслы корсьны юӧртӧг вошӧмаяслысь дзебанінъяссӧ. Та йылысь Виталий Трошевлӧн да Елена Ерофеевалӧн «Эз юӧртӧг вошны, а усины война вылын» статья.
Унатор на лыддяныд и та кындзи. Журналсӧ позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.