Матысмӧ быдӧнлы дона да тӧдчана гаж – Айму вӧсна Ыджыд тышын Вермӧм лун! Республикаса сикт-карын вочасӧн заводитӧны нуӧдны тайӧ лунлы сиӧм уна сикас акция да кыпыд концертъяс.
Со и Сыктывкар бердса Вылыс Максаковка посёлокын «Лира» шойччан шӧринысь авъя нывъяс – «Импульс» котырӧ ветлысьяс – дасьтӧны Победа лун кежлӧ мича йӧктӧмъяс. А Май 9 лунӧ посёлокса олысьяслы «Лира» шӧрин козьналас кыпыд концерт.
Пыдди пуктана лыддьысьысьяс, чолӧмалам тіянӧс Ыджыд Вермӧм лунӧн! Тайӧ синва сора, но кыпыд да тӧдчана лунӧ ми аттьӧалӧмӧн казьтыштам война вылын усьӧм салдатъясӧс, ветеранъясӧс, тылын уджалысьясӧс…
Медым миян юр весьтаным пыр вӧлі шондіа, сӧстӧм да лӧнь енэж! Ставнымлы – шуда да тыр-бур олӧм! <>
Галина МАКАРОВА. Снимокыс авторлӧн.
Синва сора, но кыпыд да тӧдчана…