Нывбабаяслӧн тувсовъя гаж водзын окота тӧдмӧдны «Коми му» лыддьысьясӧс шань, мича, водзмӧстчысь коми ань Анна Лушковакӧд.
Дас во нин Анна Александровна уджалӧ Коми Республикаса госслужба академияын ректорлы йӧзкӧд йитӧд кузя отсасьысьӧн. Сыӧдз вит во зільӧма «Юрган» телеканаллӧн коми радиоын корреспондентӧн.
– Академияын уджыс меным ёна кажитчӧ, – висьталӧ Анна Лушкова. – Дас вонад сійӧ лоис меным донаӧн да сьӧлӧмӧдз йиджис. Тайӧ кадколастнас сы мында интереснӧй йӧзкӧд, вылыс тшупӧда экспертъяскӧд тӧдмаси. Менам удж-могӧй и СМИ-кӧд ӧтув зільны да академиялӧн выльторъясӧн тӧдмӧдны.
Прӧст кадӧ ань радейтӧ семьяыскӧд видзӧдны кино, а тшӧтш и сьывны. Но медъёна Анна Александровна радейтӧ ветлыны Кулӧмдін районса чужан Помӧсдін сиктас.
– Чужанінын лолавсьӧ дзик мӧд нога, дзолядырся кӧра сійӧ, да и бать-мам дорад шойччан став сьӧлӧмнад, – кывкӧрталіс ань.
Галина МАКАРОВА.