Январь помын вежон чӧж Сыктывкар бердса Вылыс Максаковкаысь 120-ӧд номера детсадйысь зонпосни тӧдмасисны коми да роч войтыръяслӧн традицияясӧн.
Войвылын кӧдзыд тӧвнад медся коланаторйыс – шоныд кӧм-паськӧм. А гын сапӧгнад веж морозыд оз повзьӧд томӧс ни олӧмаӧс, гӧльӧс ни озырӧс. Ӧні эськӧ лавкаад быдсикас кӧм вузалӧны, но на пӧвстын медся тӧдчанаыс век на гын сапӧг… Торйӧн нин нимкодьпырысь новлӧ сійӧс посни войтыр.
Та вӧсна нывъяскӧд да детинкаяскӧд и босьтчим «Эх, валенки» уджтасӧ. Окота лоис видзӧдлыны, кыдзи ыж вурунысь гынкӧмсӧ вӧчӧны. А ӧттшӧтш тӧдмавны, кутшӧм пемӧс вермас артмыны шоныд кӧмсьыс.
Гын сапӧг вӧчӧм йылысь посни войтырлы висьталін Выльгортса фабрикаӧ виртуальнӧй экскурсия котырт-лӧмӧн. И челядь ассьыныс сямсӧ на петкӧдлісны – мичмӧдісны кӧмкотсӧ уна рӧма серӧн.
А детсадйын нин бать-мам да педагогъяс отсӧгӧн челядь лӧсьӧдісны гын сапӧгъяса выставка, такӧд тшӧтш и сьылісны, и йӧктісны, и ворсісны. Спортлы сиӧм гаж вылын медыджыд гӧсьтнас вӧлі Емеля, коді нӧдіс челядьлы да ворсӧдіс найӧс.
Тайӧ вежонӧ гын сапӧгыд отсаліс челядьлы унатор тӧдмавны комияслӧн да рочьяслӧн традицияяс йылысь.
Валентина Супрядкина, Лариса Коцубайло,
Вылыс Максаковкаысь 120-ӧд номера детсадйысь воспитательяс.