Ме чужи Ухтаын, и кутшӧмкӧ кадӧ кӧсъя нин вӧлі мунны Комиысь, но артмис сідзи, мый дас воысь дырджык нин ола Сыктывкарын. И ӧні меным нимкодь, мый тані чужисны челядьӧй, тані ме мукӧдлы шудаӧн лоны отсалігӧн сӧвмӧда тшӧтш и ачымӧс.
Йӧзкӧд йитӧд кутан нырвизьын кӧкъямыс воысь дырджык нин зіля: первойсӧ вӧлі госслужба вылын, а ӧні – Россияса наукаяс академия тэчасын. Аслам мӧд – психолог-педагоглӧн – уджӧ босьтчи нёль во сайын, нуӧда тренингъяс, торъя йӧзӧс консультируйта.
Удж кузя меным пыр лоӧ аддзысьлыны йӧзкӧд, и быд выль морткӧд тӧдмасигӧн уна выльтор восьта. Ме дорӧ шыӧдчысьяскӧд юкся тӧдӧмлунӧн да опытӧн, медым отсавны налы бурмӧдны семьяпытшса олӧмсӧ, уджаланногсӧ, мукӧд йӧзкӧд йитӧдсӧ.
Сиа «Коми му» газет лыддьысьяслы радейтны олӧмсӧ да ставнысӧ, кодъяс орччӧнӧсь, лоны тшӧтш и налы матыссаӧн да, дерт жӧ, ладӧн-артӧн овны и аскӧдныс!
Ульяна Волкова.
Снимокыс Анастасия ПономаревалӦн.