Муса мамуклы…

«Коми йӧзӧдчан керкаын» уджалысьяслӧн челядь став сьӧлӧмсяньыс чолӧмалісны мамукъяснысӧ Аньяслӧн лунӧн! Би киньлы найӧ сэтшӧма воисны сьӧлӧм вылас да сылы окота лои йӧзӧдны найӧс. А кыдзи тэ, дона лыддьысьысь, чолӧмалін мамуктӧ?

 

 

Валерия Макарова, 5 арӧс: «Мамук менам! Ме тэнӧ сэтшӧма радейта! Мааа-ма, мааа-ма менам, тэ сэтшӧм шань, мича! Тэ меным пыр ставсӧ ньӧбалан! Тувсовъя гажӧн тэнӧ, менам мамулечка! Мый эськӧ тэ метӧг и вӧчин? Тэ ӧд рад, мый ме чужи?!»

 

Александра Пунегова, 6 арӧс: «Муса мамочкаӧс чолӧмала Аньяслӧн гажӧн! Медым тэ век вӧлін мичаӧн, шкапад мед уна паськӧм да мичмӧдчанторъяс вӧліны, гӧрд помада да каблука тупли. Ме кор быдма, тэ сэсся меным ставсӧ тайӧс козьналан. Ме папалы висьтала, мед сетас тэныд ассьыс карточкасӧ да сьӧмсӧ. Со тэныд, мама, дзоридз, кодӧс ме ачым вӧчи!»

 

Максим Кутявин, 5 арӧс:

«Кутшӧм чӧскыд мамуклӧн пӧжалӧм тортыс! Та понда тувсовъя гаж дырйи козьнала сылы медводдза мича дзоридзьяс. Мамук менам муса, мамук менам радейтана!»

Глеб Орлов, 6 арӧс: «Мама, чолӧмала тэнӧ Март 8-ӧд лунӧн! Сиа дзоньвидзалун да шуд! Тэ тайӧ светас – медбур! Меным зэв ёна кажитчӧ тайӧ гажыс. Сэки ньӧбӧны торт, а ме найӧс радейта сёйны. Вот менам батьӧй век козьналӧ мамуклы роза, а Март 8-ӧд лунӧ ньӧбис тюльпанъяс! Тюльпанъясыс, вӧлӧмкӧ, мичаӧсь жӧ!»

 

Егор Терентьев, 4 арӧс:

«Ира тьӧт да мукӧд нывбаба тшӧтш! Ме тіянӧс чолӧмала сыӧн, мый ті аньяс! Сиа дзоньвидзалун да муслун!»

Мария да Варвара Ливсон, 6 да 9 арӧс:

«Сиам мамлы дзоньвидзалун, мичлун да ыджыд удждон, да мед тэнад некор эз висьны пиньясыд!»

Муса мамуклы…

«Би кинь» журналысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх