Сыктывкар бердса Вылыс Максаковка посёлокысь 120-ӧд номера детсадйӧ ветлысь дзолюкъяслы ёна жӧ везитіс, ӧд найӧс быдтӧ-велӧдӧ томиник, мича, авъя, небыд гӧлӧса да шань сьӧлӧма Дария Васильевна Потапова.
Чужлӧма ань Сыктыв районса Шугрӧм посёлокын, ичӧт классъяссӧ сэні велӧдчӧма, а шӧр школаас Визиндорӧдз новлӧдлӧмаӧсь. Школа помалӧм бӧрын бӧрйӧма сэки аслыс на гӧгӧрвотӧм, но зэв интереснӧй профессия – логопед. Вылыс тшупӧда тӧдӧмлун Дария Васильевна босьтӧма СГУ-ысь педагогика, психология да дефектология велӧдан факультетын.
И со коймӧд во нин Дария Васильевна зільӧ посниуловкӧд, а босьтӧм профессияыс ёна отсалӧ кагульничалӧн уджын.
–Ныв-зонкӧд уджавны ёна воӧ сьӧлӧм вылӧ, – висьталӧ Дария Потапова. – Ӧд найӧ сэтшӧм восьсаӧсь, радейтанаӧсь да мусаӧсь, сэтшӧм мелі синъясӧн видзӧдӧны, быд лун виччысьӧны менӧ да ёна радлӧны быд аддзысигӧн. Воспитательлы быть колӧ кужны лоны дзолюклы медбур ёртӧн.
Галина МАКАРОВА. Снимокыс авторлӧн.