Тӧдмасьӧй: ӧнія коми сьыланкывъяслӧн «Василей» республикаса фестивальын Гран-при да «Приз зрительских симпатий» босьтысь, колипкай гӧлӧса да мелі коми ныв Валентина Лебедева.
«Шонді югӧрыс водз асыв чеччӧдіс» сьыланкыв (шыладыс Светлана Кондратюклӧн, кывъясыс Альбина Селивановалӧн) лои медбурӧн тайӧ фестивальын. А Валентиналӧн мелі гӧлӧсыс сывдіс сьӧлӧмсӧ эз сӧмын жюрилысь, но и видзӧдысьяслысь.
Кӧрткерӧс районса Пӧддельнӧйын чужлӧм ань ӧні олӧ Санкт-Петербургын, уджалӧ томуловлӧн «Охта» шӧринын художествоа веськӧдлысьӧн, а нӧшта сьылӧ «ДивоГрад» ансамбльын.
Ми тшӧтш чолӧмалам Валентинаӧс да сылысь котырсӧ ыджыд вермӧмӧн. Сиам и водзӧ нимкодьӧдны ставнысӧ мыла сьылӧмнас. Локтан номерын паськыдджыка гижам аньлӧн творчество да олӧм-вылӧм йылысь. А «Коми му» лыддьысьяслӧн эм позянлун кывзыны тайӧ мича сьыланкывсӧ куар-код пыр.
Галина МАКАРОВА.
Снимокыс Михаил ПЕРОВЛӦН.