Сыктывкарын, Ухтаын да Сыктывдін районын уджалӧны асшӧр детсадъяс, кӧні видзӧны-дӧзьӧритӧны
544 нывкаӧс да детинкаӧс. На пиысь 85-ыслы и содтӧд тӧдӧмлун на сетӧны.
«Демография» нацпроект збыльмӧдӧмлы сиӧм чукӧртчылӧм дырйи вӧлі пасйӧма, мый асшӧр детсадъясӧ колӧ босьтны арӧсӧн-джынйӧнсянь куим арӧсӧдз унджык зонпосниӧс, а 2021 во кежлӧ мед ставнысӧ найӧс тшӧтш и велӧдӧма вӧлі. Асшӧр велӧдчанінъяслы лицензия судзӧдны вичмӧдӧны и грантъяс. Та могысь 2019 да 2020 воясӧ республикаса бюджетын вӧлі урчитӧма 22 миллион шайт.
Асшӧр детсадъясын куим арӧсӧдз посни войтырлы содтӧд местаяссӧ лӧсьӧдны колӧ 2020 вося декабрь 25 лунӧдз. Но лицензия судзӧдігӧн предпринимательяслы сьӧкыд лоӧма босьтны Роспотребнадзорлысь да Госпожнадзорлысь кывкӧртӧдъяссӧ. Чукӧртчылігӧн Владимир Уйба тшӧктіс министерство-ведомстволы, муниципалитетъясса администрацияяслы отсавны асшӧр уджалысьяслы, мед найӧ кыдз позьӧ ӧдйӧджык вермисны босьтны школаӧдз велӧдан лицензиясӧ да надзор тэчасъяслысь кывкӧртӧдсӧ.