Октябрь заводитчигӧн Койгорт районысь Подзса стадионлӧн хоккейӧн ворсан площадка вылын эштӧдӧмаӧсь искусственнӧй туруна эжа вольсалан удж.
Сьӧмсӧ та вылӧ – 1,9 миллион шайт – вичмӧдӧмаӧсь республикаса видз-му министерство да «Монди Сыктывкарса ЛПК».
Подзсаяс асьныс рӧвняйтӧмаӧсь площадкасӧ, а эжасӧ вольсалӧма «Мафпром» компания. Ӧні сэні позяс футболасьны, волейболасьны, баскетболасьны, мукӧд спорт сикасысь ворсны. А тӧвнас мольыд эрд вылас лоас шыльыд йи.
2017 воын на Коми Республикаса правительство да «Монди Сыктывкарса ЛПК» костын сёрнитчӧм серти Подз сиктса администрациялы хоккейӧн ворсанін лӧсьӧдны вӧлі торйӧдӧма 980 сюрс шайт. Вӧчӧмаӧсь сійӧс асьныс сиктсаяс, тшӧтш и челядь. Ставныс жӧ сэсся окотапырысь сибӧдчӧмаӧсь спортӧ.
–Ми аттьӧалам «Монди Сыктывкарса ЛПК»-ӧн веськӧдлысьясӧс Поддзын физкультура да спорт сӧвмӧдӧмын ӧтувъя уджысь, – висьталісны сиктса администрацияын.