Май 11 лунӧ «Коми йӧзӧдчан керка» юӧртіс «Гижӧдчӧмысь — козин» конкурс-акция йылысь. Сэтчӧ пырӧдчӧм могысь коліс тавося июнь 25 лунӧдз гижӧдчыны 2020 волӧн мӧд джын кежлӧ «Коми йӧзӧдчан керкаӧн» лэдзан газет-журнал вылӧ.
Конкурслы кывкӧртӧд вӧчигкежлӧ воис 127 шыӧдчӧм-квитанция. «ВКонтактеын» миян котырлӧн «веськыд эфирын» пудъялім конкурсӧ пырӧдчысьяс пӧвстын 23 козин: медзіль поштальонлы — «Мечта» велосипед» да неуна ичӧтджык 22 козин — лыддьысьысьяслы.
Коми газет-журнал вылӧ медся унаӧс гижӧдысь медся зіль поштальоныс, вӧлӧм, олӧ Кулӧмдін районса Озъягын. Медым могмӧдны сикт-посёлоксаӧс выль петасъясӧн да мукӧд коланаторйӧн, Ольга Викторовна Жангурова вежонӧн подӧн кытшовтӧ-венӧ 18 километра туй.
Пыдди пуктана Ольга, «TOYS» лавкасянь «Мечта» велосипед регыд мысти воас тіянлы! Мед сійӧ лоӧ уджаныд бур отсасьысьӧн!
«Гижӧдчӧмысь — козин» конкурс-акцияын мукӧд вермысьлы вичмисны татшӧм козинъяс:
«Коми му» газет судзӧдысь Александр Горчаковлы — Biarmia компаниясянь «Мед лоас шоныд» плед;
«Коми му» судзӧдысь Л.А. Кушмановалы — Югыд арт мастерскӧйсянь «Мича нывка» шапка;
«Коми му» судзӧдысь Любовь Кирушевалы— Надежда Быковскаясянь спецприз;
«Коми му» судзӧдысь Василий Турковлы да М.Д. Игнатовлы — СВАИ11 компаниясянь сертификат;
«Войвыв кодзув» журнал судзӧдысь Лидия Есевалы — ЛОК ТАТЧӦ коллекцияысь ежедневник;
«Войвыв кодзув» судзӧдысь Владимир Колпаковлы — Югыд арт мастерскӧйсянь «Мича нывка» шапка;
«Войвыв кодзув» судзӧдысь Татьяна Кузнецовалы — Елена Козловасянь спецприз;
«Войвыв кодзув» судзӧдысь Семён Горчаковлы — Елена Габовалӧн «Новенький и черепаха» небӧг;
«Йӧлӧга» журнал судзӧдысь Дуся Потаповалы — «Открытие» банксянь экология видзан кофейнӧй набор;
«Йӧлӧга» судзӧдысь Елена Нестеровалы — ЛОК ТАТЧӦ коллекцияысь футболка;
«Йӧлӧга» судзӧдысь Татьяна Жуковалы — БобÖНянь мастерскӧйсянь чӧскыд козин да мастер-класс;
«Йӧлӧга» судзӧдысь Анна Игушевалы — Виктория Пименовасянь спецприз;
«Би кинь» журнал судзӧдысь Алёна Нестеровалы — ФанерКо компаниясянь «Радуга» качалка;
«Би кинь» судзӧдысь Ольга Койковалы — Югыд арт мастерскӧйсянь «Мича нывка» шапка;
«Би кинь» судзӧдысь Елена Кыневалы — Елена Габовасянь спецприз;
«Би кинь» судзӧдысь Елена Козловалы — Иван Белыхлӧн «Кӧмтӧм кока челядьдыр» небӧг;
«Чушканзі» журнал судзӧдысь Анна Игушевалы — ТТК компаниясянь веб-камера;
«Чушканзі» судзӧдысь Татьяна Жуковалы — ЛОК ТАТЧӦ коллекцияысь футболка;
«Чушканзі» судзӧдысь А.А. Размысловлы — Вячеслав Поповсянь спецприз;
«Чушканзі» судзӧдысь Дуся Потаповалы — О.Е. Бондаренколӧн «Рассказы об истории коми края» небӧг.
Коми петасъяслӧн комплект вылӧ гижӧдчысьяс пӧвстын шудыс усис Изьва районса Гам сиктысь Галина Хозяиновалы, кодлы вичмис «Лок татчӧ» коллекцияысь футболка, блокнот да значок.
Вермысьяслы козинысла колӧ шыӧдчыны уджалан кадӧ 8(212) 24-15-19 телефон пыр либӧ гижны «ВКонтактеын» vk.com/mortkomi лист бокӧ.
Ыджыд аттьӧ конкурсӧ пырӧдчысьяслы! Став сьӧлӧмсянь чолӧмалам вермысьясӧс! Гижӧдчӧй да лыддьӧй коми газет-журнал — конкурсыд уна на лоӧ!