Йӧзлы юӧр сетан тэчасын, издательствоясын да полиграфия предприятиеясын пыдди пуктана уджалысьяс да ветеранъяс! Чолӧмала тіянӧс Коми печать лунӧн!
Сё кык во сайын петіс «Зырянская жизнь» газетлӧн медводдза номер. Тайӧ и лоис Коми муын журналистика сӧвмӧмлы панасӧн. И ӧнӧдз республикаса войтыр пыдди пуктӧны газет-журналъяс да окотапырысь лыддьӧны найӧс. Газет-журналын йӧзӧдӧны веськыд да йӧзлы колана юӧр, печать отсалӧ кутны власьт да йӧзкотыр костын йитӧд. Юӧр сетан тэчасын уджалысьяс оз кольччыны олӧмсьыс, пыр зільӧны бурмӧдны ассьыныс гижӧдъяссӧ, дасьтыны лыддяна петасъяс.
Быд во республикаса журналистъяс пырӧдчӧны федеральнӧй да регионъяскостса конкурсъясӧ да тшӧкыда петӧны вермысьяс лыдӧ. Тайӧ нин висьталӧ налӧн енбиа сям йылысь.
Дона ёртъяс! Коми печать лунӧ кӧсъя аттьӧавны тіянӧс уджын да олӧмын водзмӧстчӧмысь, тӧдӧмлун-сямнытӧ сӧвмӧдӧмысь, республикалы бур вӧчӧмысь.
Сиа тіянлы уджын выль вермӧмъяс, крепыд дзоньвидзалун, шуд да тыр-бур олӧм!
Владимир Уйба, Коми Республикаса юралысьлысь удж вӧчысь.