Воліс чужан карас

Ухтаӧ, чужан карас, воліс Дмитрий Алиев, конькиӧн фигурнӧя исласьӧм кузя Европаса чемпион. Февраль 4 лунӧ аэропортын сійӧс нянь-солӧн виччысисны спорт радейтысьяс, бать-мамыс да ёртъясыс.

Зэв тӧдчана вермӧм шедӧдӧм бӧрын фигурист шуӧма волыны гортас аддзысьлыны матыссаясыскӧд, а сідзжӧ босьтны загранпаспорт, коді регыд нин ковмас Канадаӧ мирса чемпионат вылӧ ветлӧм могысь. Тайӧ ордйысьӧмыс мунас март 18-21 лунъясӧ Монреаль карын. Мужичӧйяс пӧвстын конькиӧн ӧткӧн исласьӧмын Россиясянь мӧдасны вермасьны Дмитрий Алиев да Артур Даниелян.

Снимайтчӧм да автографъяс кырымалӧм бӧрын нималана фигурист бать-мамыскӧд, ыджыдджык вокыскӧд, спортсменъяскӧд да физкультурникъяскӧд аддзысьлісны карса администрацияӧн веськӧдлысь Магомед Османовкӧд.

Кыдз висьталіс спортсмен, Европаса чемпионат дырйи сылы зэв тӧдчана вӧлі Россияын спорт радейтысьяслӧн и, дерт жӧ, Ухтаын ёртъясыслӧн да матыссаясыслӧн ышӧдӧмыс.

Казьтыштам, Дмитрий 2013 восянь олӧ Санкт-Петербургын да исласьӧ Россияысь спортса мастер, медвылыс категорияа тренер  Евгений Рукавицынлӧн веськӧдлӧм улын. /ні сійӧ дасьтысьӧ мирса чемпионат кежлӧ.

Воліс чужан карас

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх