Сыктывдін районысь Паджгаса школаысь дас ӧти ныв-зон да тайӧ жӧ сиктсьыс эстетика шӧринса агрокружокысь кык морт ветлісны Москваӧ «Золотая осень» выставка вылӧ.
А туйыс сэтчӧ пансис тулыснас на, кор Сыктывдін районса челядь «Агрос» выставка дырйи тӧдмасисны мукӧд регионса томуловкӧд да налӧн чужис кӧсйӧм пырӧдчыны картупель кӧйдыс туялан ставроссияса конкурсӧ. Налӧн удж бӧрся видзӧдісны Москваысь, Казаньысь, Саратовысь учёнӧйяс.
Гожӧмбыд велӧдчысьяс дӧзьӧритісны выль сорта картупель бӧрся, пасъялісны, кыдзи сійӧ быдмӧ-воӧ. «Золотая осень» выставка дырйи агрокружокысь Виталина Тренькина шедӧдіс приз – смартфон, а Роман Сосиновскийлы сетісны казьтылан козин.
–Татшӧм проектъясыс ышӧдӧны челядьӧс
уджавны, петкӧдлӧны налы, мый ӧнія видз-му овмӧсын вӧдитчӧны выль технологияясӧн. Кор ныв-зон асланыс киӧн быдтӧны картупельлысь выль сортъяс, налӧн синмыс заводитӧ ӧзйыны, сэтшӧм окота туявны быдмӧгъяссӧ да, – висьталіс Коми Республикаын видз-му овмӧсса министр Сергей Елдин. <>
Гижӧдсӧ дасьтіс Павел Симпелев. Снимокыс ӧтуввезйысь.