Россияса войтырлысь кывъяс видзӧм-сӧвмӧдӧм могысь сентябрь 8 лунӧ страна пасьталаын нуӧдасны «Россия – дом народов» диктант.
Диктантсӧ позьӧ гижны роч либӧ вужвойтырлӧн кызь ӧти кывйӧн. На лыдын тшӧтш и коми, перым-коми, карел, вепс, удмурт, чуваш кывъяс. Быдӧн ачыс вермас бӧрйыны, кутшӧм кывйӧн кутас гижны.
Сыктывкарын тӧдӧмлунсӧ донъявны кӧсйысьясӧс виччысьӧны сентябрь 8 лунӧ 5 час рытын Коми Республикаса войтырлӧн Ёртасян керкаын (Ленин улича, 74-ӧд номера керка, 2-ӧд судта).
Акцияӧ пырӧдчысьяслы сентябрь 4 лунӧдз колӧ юӧртны та йылысь Ёртасян керкаын уджалысьяслы 8(8212) 255-431 телефон либӧ e.a.chipsanova@fukc.rkomi.ru электроннӧй пошта пыр.
Диктантсӧ позьӧ гижны и гортын. Та могысь сентябрь 8 лунӧ колӧ пасйысьны dictant.ruwiki.ru сайтын да бӧрйыны, кутшӧм кывйӧн гижны.
Национальнӧй политика министерство корӧ пырӧдчыны Россияса войтырлӧн кывъяс лунлы сиӧм акцияӧ республикаын олысьясӧс, а сідзжӧ ведомствоясын, йӧзӧс велӧдан да культура учреждениеясын уджалысьясӧс. <>
Гижӧдсӧ дасьтіс Павел Симпелев.