Республикаын таво шуӧма кыпӧдны сизим выль ФАП да куим амбулатория, кызвынсӧ – ылі сикт-грездын. Та могысь лоӧ видзӧма матӧ 279 миллион шайт.
Удора районса Благоевын босьтчӧмаӧсь нин дасьтыны амбулатория стрӧйбалы подувсӧ. Выль татшӧм жӧ бурдӧдчанін лоас и Сыктывкарса Лесозаводын да Сыктывдінса Паджга сиктын.
Модуля ӧнія ФАП-яс кыпаласны Княжпогост районса Сьӧськаын, Кулӧмдін районса Ярашъюын, Удораса Выльгортын, Кӧрткерӧс районса Пӧдтыбокын да Висерын, Воркутаса Сивӧй Маска да Елец посёлокъясын.
<> Гижӧдсӧ дасьтіс Александра Артеева.
Ылі сиктын – выль ФАП