Емдін районын 250 сайӧ спортсмен да спорт радейтысь пырӧдчис Айму вӧсна Ыджыд тышын Вермӧмсянь 81 во тырӧмлы сиӧм «Навстречу Победе» марафонӧ.
На дорӧ чолӧмалана кывйӧн шыӧдчис районса администрацияӧн веськӧдлысь Галина Плетцер да тӧдчӧдіс, мый 2026 воыс – Россияын войтырӧс ӧтувтан во, и тайӧ марафоныс пӧ ӧтувтӧ ставнымӧс.
Спортсменъяслы коліс венны 95 километр, котӧртны 8 час. Дас витлаын позис шойччыштны да юны тшай.
Емдін районса администрацияӧн веськӧдлысь аттьӧаліс акцияӧ пырӧдчысьясӧс, а гажсӧ котыртысьяслы сетіс аттьӧалана гижӧд.
Торйӧн нин пасйисны Артём Шевелевӧс, а сідзжӧ физкультура да спорт управлениеын, Емдін районса пытшкӧс делӧяс юкӧнын, ГИБДД-ын зільысьясӧс.
–Чолӧмалам ставнысӧ Победа лунӧн. И мед юр весьтаным пыр дзирдалас шонді, – висьталіс Галина Плетцер.
<> Гижӧдсӧ дасьтіс Екатерина Микушева.
Снимокыс ӧтуввезйысь.