Регионӧн веськӧдлысь Ростислав Гольдштейнлӧн индӧд серти Коми Республикаын 2026 восӧ шуӧма Сикт воӧн. Такӧд йитӧдын культура да архив удж кузя министерство вынсьӧдіс сійӧс пасйӧм кузя ыджыд уджтас.
Сідз, республикаын восьтасны квайт выль модельнӧй библиотека. На пӧвстысь нёльыс – сиктын: Абъячойын, Паджгаын, Одыбын да Изьваын. Таысь кындзи модельнӧй библиотекаыс лоас тшӧтш и Вуктыл да Микунь каръясын.
Районъясӧ спектакль-концертӧн гастрольӧн воласны театрын ворсысьяс да творчествоа котыръяс. Апрельын нин Койгорт районын «Мастера искусств – селу!» фестиваль пансяс Коми Республикаса филармония петкӧдчӧмӧн.
Таысь кындзи водзӧ кутасны збыльмӧдны «Земский работник культуры» федеральнӧй уджтас, мый весьтӧ сиктса культура керкаясӧ да библиотекаясӧ воасны том специалистъяс. Дерт, котыртласны и сиктса культура учреждениеяс да сэні зільысьяс пӧвстын сьӧма премияа конкурс.
Сикт вокӧд йитӧдын ставсӧ шуӧма пӧртны олӧмӧ 18 проект: быдсикас выставка, гижысьяскӧд аддзысьлӧмъяс, кино петкӧдлӧм да велӧдан семинаръяс.
<> Гижӧдсӧ дасьтіс Елена ПЛЕТЦЕР.