Миян котырлӧн герой – менам прапрапӧльӧй Василий Алексеевич Шомысов. Комиӧн кӧ, Ӧлек Вась. Сійӧ овліс Скӧрӧдум грездын. Вӧлі грамотатӧм крестьяна пиӧн. Но та вылӧ видзӧдтӧг сылӧн вӧлі паськыд да аслыспӧлӧс олантуй. Сійӧ дорйис Чужан мусӧ Первой мирӧвӧй да гражданскӧй войнаясын.
Ӧлек Вась вӧлі бур кыйсьысьӧн. Но медсясӧ нималіс пуысь ки помсьыс вӧчӧм шылада ворсанторъясӧн. Медшӧрыс вӧлі сигудӧк. Сылӧн сигудӧкын юрган шыладсӧ гижны некымынысь воліс Прометей Ионович Чисталёв.
Ӧлек Васьлӧн да Митрей пиыслӧн вӧчӧм ворсанторъяссӧ позьӧ аддзыны Москваын Михаил Глинка нима шылада, Коми Республикаса представительствоын, миян регионса Национальнӧй да Иван Куратовлӧн литература музейясын. Эм кӧ мортлӧн енбиалун да ыджыд кӧсйӧм, нинӧм вылӧ видзӧдтӧг позьӧ воӧдчыны нималана мортӧдз.
Анна Петракова.