Изьва районысь Бакурса культура керкаын нуӧдісны аслыспӧлӧс рытпук, кодӧс сиисны сиктса школа помалысь да торъя военнӧй операцияӧ пырӧдчысь зонъяслы. «Их имена в истории» концертӧн нимӧдісны повтӧм землякъясӧс.
Рытпуксӧ нуӧдісны Маргарита Канева, Ольга Витязева да Дарина Леуш. Найӧ висьталісны спецоперацияса салдатъяслӧн подвиг да олӧмас тӧдчана лоӧмторъяс йылысь.
Сцена вылӧ петавлісны культура керкаысь артистъяс, школаын енбиа велӧдчысьяс да велӧдысьяс, ветеран сӧветын зільысьяс. Ставӧн тӧдчӧдісны, кутшӧм колана видзны земляк-геройяслысь югыд паметьсӧ.
Сьӧлӧм вӧрзьӧдана кывъяс висьталіс и Сизяб сиктса овмӧдчӧминӧн веськӧдлысь Наталья Ивановна Канева. Сійӧ эскӧдіс, мый торъя военнӧй операцияса салдатъяслы да налӧн семьяяслы вичмӧ став колана отсӧгыс.
«Их имена в истории» рытпук дырйи СВО-са салдатъяслы отсалӧм могысь бур сьӧлӧма йӧз чукӧртісны 18 сюрс шайт.
Гажсӧ котыртысьяс сьӧлӧмсянь аттьӧалісны Галина Михайловна Каневаӧс, школаса музейӧн веськӧдлысьӧс, коді и чукӧртіс салдат-землякъяс йылысь колана юӧрсӧ.
«Их имена в истории» рытпукнас бара на вӧлі тӧдчӧдӧма, мый колӧ видзны геройяс йылысь паметь, отсавны матыссаяслы, ышӧдны томуловӧс радейтны чужан му.
Гижӧдъяссӧ дасьтіс Екатерина МИКУШЕВА. Снимокъясыс ӧтуввезйысь.ф