Коми Республикаса национальнӧй политика министерство корӧ пырӧдчыны «Медбур небӧг – 2024» республикаса конкурсӧ.
Виччысьӧны кольӧм во январь-декабрын йӧзӧдӧм небӧгъяс, кодъясӧс донъяласны художествоын да культураын тӧдчанлун, творчествоын аслыспӧлӧслун, ӧнія кадлы лӧсялӧм да полиграфия боксянь.
–Медводдзаысь татшӧм конкурссӧ нуӧдісны 2011 воын да донъялісны кык нимпас серти: роч кывъя медбур небӧг да коми кывъя медбур небӧг. 2017 восянь лои коймӧд нимпас – челядьлы медбур небӧг.
Таво тайӧ традициясӧ водзӧ нуӧдам да бӧръям роч да коми кывъя, а сідзжӧ челядьлы медбур небӧгъяс.
Таысь ӧтдор быд во конкурсса комиссия пасйӧ медбур петасъяссӧ торъя дипломъясӧн, козинъясӧн да весиг содтӧд нимпас серти. Шуам, 2021-2022 воясын вӧлі бӧрйӧма медбур небӧг-билингв, – висьталіс регионысь национальнӧй политикаса министр Роман Носков.
«Медбур небӧг – 2024» конкурсӧ колӧ шыӧдчыны апрель 15 лунӧдз татшӧм адрес серти: Сыктывкар, Интернациональнӧй улича, 157-ӧд керка, 105-ӧд жыр.
Унджык юӧр позьӧ тӧдмавны министерстволӧн сайтысь – vk.ccӦcvvCcb.
Кыдзи и пыр, вермысьясӧс нимӧдасны «Коми небӧг» республикаса гаж дырйи.
<> Екатерина МИКУШЕВА.