Дасьӧсь уджавны да дорйысьны

«Демография» нацпроектлӧн «Спорт норма жизни» уджтасӧн подуласьӧмӧн Вуктылын донъялісны, кыдзи муниципалитетъясын сдайталӧны ГТО норматив.

Медся бура тайӧ уджсӧ котыртӧмаӧсь Вуктыл, Емдін да Луздор районъясын.

Вуктылсаяс мӧдӧд во нин медвылыс тшупӧдынӧсь. ГТО нормативъяс сэні сдайтӧма 41 прӧчент олысьыс. ГТО упражнение вӧчӧма 294 мужичӧй да нывбаба, на пиысь 219-ыслы сетӧма зарни морӧспас.

Бӧръя кварталын кыпӧдчисны Воркута, Усинск, Инта, Княжпогост, Печора, Мылдін районъяс. 14 тшупӧд «чеччыштӧма» Емдін район да ГТО рейтингын лоӧма мӧдӧд.

Но эмӧсь и кольччысьяс. Сідз, Кӧрткерӧс район воштӧма дас тшупӧд да лоӧма 17-ӧд.

* * *

Ухтаын нуӧдісны ГТО фестиваль. Вермасисны 12 районысь велӧдчан организацияяс.

Кык лун 110 том спортсмен песіс вын-эбӧссӧ. Каръяс пӧвстын медся бура петкӧдчисны ухтаса велӧдчысьяс. Мӧд да коймӧд местаынӧсь сыктывкарса да сосногорскса.

Районъяс костын зарни шедӧдіс Сыктывдін. Эзысь да бронза босьтісны Луздорысь да Княжпогостысь велӧдчысьяс.

Фестивальсӧ нуӧдісны «Демография» нацпроектлӧн «Спорт норма жизни» уджтас весьтӧ.

<> Гижӧдъяссӧ дасьтіс Николай РАЗМЫСЛОВ.

Снимокъясыс ӧтуввезйысь.

Дасьӧсь уджавны да дорйысьны

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх