Выль чужӧмбана «Снегурочка»

Монди котырлӧн Сыктывкарса комбинатын 1999 восянь вӧчӧны «Снегурочка» кабала. Вӧчӧны ӧнія кадыслы лӧсялана оборудованиеӧн да медся еджыд целлюлозасьыс. Технологиясӧ дугдывтӧг сӧвмӧдӧмыс сетӧ «Снегурочкалы» позянлун лоны мирас медбур кабалаяс лыдын.

Неважӧн Монди выльмӧдіс «Снегурочкалысь» брендсӧ – чужӧмбансӧ. Торйӧн кӧ, лэдзны сійӧс кутісны мӧд сикас кышӧдӧ гартыштӧмӧн. Сэк жӧ и тӧдчӧдӧны, мый кабалаыс зэв туяна, да сійӧс вӧчигӧн вӧр-васӧ оз тшыкӧдны.

Бренд выльмӧдӧмсӧ, мӧд кыв-йӧн кӧ – ребрендингсӧ, дасьтӧмаӧсь воысь дырджык. Тшӧтш и юасьӧмаӧсь ньӧбасьысьяслысь, кутшӧм кабала налы колӧ. Тыдовтчӧма, мый кызвын ньӧбысьыс лыддьӧны «Снегурочкасӧ» «ас», Россиялӧн ловшыа кабалаӧн.

Та вӧсна сы йылысь ӧні шуӧны тадзи: «Офисная бумага с русской душой». Кышӧдсӧ серпасалӧма роч серъясӧн, нимсӧ гижӧма аслыспӧлӧс шыпасъясӧн. Сер-шыпас серти нин йӧзыс мӧдасны аддзыны тайӧ кабаласӧ да тӧдны, мый Мондилӧн Сыктывкарса предприятиеын «Снегурочкасӧ» вӧчӧны Европаса технологияяс серти, но чужӧмбаныс сылӧн – Россияса.

–Миян «Снегурочка» быттьӧ мича ныв, коді зэв колана быд офисын. Сыкӧд кокни да любӧ уджавны, – висьталӧ «Монди Сейлз СНГ» компанияса генеральнӧй директор Алексей Шамин. – Выль чужӧмбаныс ясыдджыка петкӧдлӧ кызь во нин тӧдса кабалалысь бурторъяссӧ. И ме эска, мый «Снегурочкасӧ» вылӧ донъяласны и ньӧбасьысьяс да сыӧн вӧдитчысьяс.

Кабаласӧ ньӧбысьяс пасйӧны, мый сыӧн лӧсьыд вӧдитчыны. Весиг некымын во мысти сы вылын вӧчӧм гижӧдыс оз чусмы, а кабалаыс оз пемды, ӧд вӧчӧма сійӧс сорастӧм целлюлозаысь.

Дистрибьюторъяслы выль кы-шӧда «Снегурочка» воас тавося гожӧмын нин. Кабала йылысь унджык позяс тӧдмавны ӧтуввезса www.snegurochka-paper.ru  лист бокысь.

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Выль чужӧмбана «Снегурочка»

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх