Воркутаын «Жильё и городская среда» нацпроектлӧн «Формирование комфортной городской среды» уджтас серти асфальтӧн вевттьӧмаӧсь да югзьӧдӧмаӧсь уличаяс, сувтӧдӧмаӧсь лабичьяс. Таво сэні мичмӧдасны-пелькӧдасны нӧшта дас куим ин.
Проект сертиыс 2019 воын на Воргашор посёлокысь Катаев уличаса 28-ӧд номера керка дорын лӧсьӧдісны сквер, кӧні эмӧсь челядьлы ворсанінъяс, скейт-парк. А 2023 воын Воркутаын выльмӧдісны Комсомольскӧй улича да С.М.Кировлы памятник. Спорт изэрдын вежисны туй вылысь да подаяслы ветланінысь веркӧссӧ, предпринимательӧн вичмӧдӧм сьӧм вылӧ дзоньталісны кар котыртӧмсянь 25 во тырӧмлы сиӧм да Печораса из шом куйлӧд восьтысьясӧс нимӧдан казьтылан пас.
2024 воын выльмӧдасны 11 йӧр да кык уна йӧзаин, на лыдын Суворов да Комаров уличаяс падвежасянін, Москва да Горнякъяс уличаяс дорысь сквер.
Гижӧдсӧ дасьтіс Павел Симпелев.
Снимокъясыс ӧтуввезйысь.