Дона ёртъяс! Юӧртам «Коми нӧдкыв» онлайн-ворсӧм панӧм йылысь. Талунсянь да урасьӧм 15 лунӧдз пырӧй https://forms.yandex.ru/u/656364de84227c72f1de5849/ адрес серти, тӧдмалӧй йӧзкостса нӧдкывъяс да виччысьӧй ворсӧмӧ пырӧдчӧм йылысь электрон сертификат.
Ӧткымын нӧдкыв сетам тані. Видлӧй выннытӧ, а сэсся и окоталуныд чужас.
Конкурсын вермысьяссӧ индам урасьӧм тӧлысся «Би киньын». Журналыс петас февраль 27 лунӧ.
Ворсӧм йылысь паськыдджыка – Коми йӧзӧдчан керка сайтын. Нӧдам ӧтвыв!
Марья да Дарья
Воча видзöдчöны.
Кöрт кока, пу коска,
Сöн соя.
Öти ув улын
Комын дозмöр пукалö.
Уличын – Петыр лун,
Керкаын – Рöштво.
Дасьтісны Мария Кулиш, Мария Мальцева, Алёна Нестерова.
Серпасалiс Тимофей Дроздовский.
Йикича да Якича