Мини-футбол кузя Россияса кубокын «Ухта» команда гортас паныдасис Екатеринбургса «Синаракӧд».
Казьтыштам, тайӧ командаыскӧд «Ухта» Екатеринбургын вермасис мӧйму декабрь 8 лунӧ да 1:3 тшӧтӧн ворссис. Вадим Яшинлӧн командаысь сӧмын Роман Карелин сяммис сюйны ӧти мач.
Та пӧрйӧ 4:1 тшӧтӧн вермис «Ухта». Голъяс сюйисны Дмитрий Прудников (водзті ворсіс «Синараын»), Фелипе Парадински, Андрей Павлов да Михаил Москалев.
Кыкысь ворсӧм бӧрын ухтаса петісны турнирса полуфиналӧ.
Сыктывкарса «Новая генерация» гортас паныдасьліс Москваса КПРФ командакӧд да 1:2 тшӧтӧн ворссис.
Медводдза таймас гӧсьтъяс стӧча веськалісны миян воротаӧ. Ворсӧм помланьыс Даниил Ковтун эськӧ и ӧткодяліс тшӧтсӧ, но «коммунистъяс» бара содтісны ӧти мач.
Казьтыштам, мӧйму декабрь 8 лунӧ «коммунистъяс» 3:0 тшӧтӧн пасьвартісны «Новая генерацияӧс». Кыкысь ворсӧм бӧрын полуфиналӧ петіс КПРФ.
<> Гижӧдсӧ дасьтіс Николай Размыслов.
Снимокыс ӧтуввезйысь.