Звӧнитӧ мен талун дядьӧ,
Гӧлӧс серти зэв тай скӧр!
Кӧсйӧ, медым вошті садьӧс,
Сӧмын ачыс тшук эз пӧр!
– Добрый вечер, вы Мария?
Я с полиции, Сергей,
Вы тут что-то натворили,
Выезжаем к вам скорей!
Метӧ татшӧмъястӧ тӧда,
Шуа: «Я вас очень жду!».
И сё матьӧн сылы лӧда,
Рифма серти ог нин шу.
Мыйкӧ другыд джӧмдіс менам,
Трубка брызьгис. Вот и на!
А мен шунысӧтӧ эм на,
Кутшӧм сійӧ сӧтана!
Мӧд номерсянь со нин триньгӧ:
– Вас в тюрьму я посажу…
Мися, другӧ, эн жӧ виньды,
Кытӧн ола кӧть, мен шу…
Мыйкӧ дядьӧ скӧрмис дзикӧдз…
Кытӧн ола, оз жӧ тӧд…
Йӧй местаӧ менӧ видзис,
Йӧйнас коли ачыс ӧд!
Мыйла висьтала ме тайӧ?
Эн жӧ ылав некор, ёрт!
Бурӧдз сёрниыс оз вайӧд,
Сьӧмтӧг колян, дона морт!
Мария Шомысова
Звӧнитӧ мен талун дядьӧ