Визинга сиктысь Лиза Горчакова гижис письмӧ «Би кинь» журналлӧн редакцияӧ.
Ме ола Сыктыв районса Визин сиктын. Вуджи нёльӧд классӧ. Радейта лыддьысьны. Унатор тӧдмала небӧгъясысь. Бур небӧг-журналыс уна, но медся нин ёна меным и мен ёртъяслы кажитчӧ «Би кинь» журнал. Меным кажитчӧны кывбуръяс, висьтъяс. Нӧшта на серпасъяс, кодъясӧс сетӧмныд гижӧдъяс дорас. Найӧ сэтшӧм мичаӧсь, яръюгыдӧсь. Зэв нимкодь овлӧ, кор лэдзанныд финн-йӧгра войтырлысь мойдъяс. Пыр жӧ и вӧча неыджыд небӧг. Сэсся унаысь киӧ босьтла да выльысь лыддя. Весиг пӧтнысӧ таысь он вермы. А мыйсӧ нин эг тӧдмав филологияса доктор Анатолий Ракинлӧн гижӧдъясысь! И звер-пӧтка, и гут-гаг йылысь, кодъяс олӧны да лэбалӧны миян Коми муын. Журналлӧн бӧръя лист боксьыс век аддза аслым вӧчасян, юр песан удж. Зэв зіля вӧчалі маскаяс, чачӧяс. Торйӧн нин виччыси, кор воас коми прӧмыслӧвӧй календарлӧн выль серпас. И вӧчи ӧд календарсӧ! Чайта сэтшӧмӧс, кутшӧмӧс ті коринныд лӧсьӧдны.
Меным сьӧлӧм вылӧ воис Татьяна Ануфриенколӧн «Дымоклӧн чужан лун» висьтыс. Став нывъёртлы тшӧкті сійӧс лыддьыны. Мукӧд висьт-кывбурыс бурӧсь жӧ. Мукӧддырйиыс мӧвпыштла, кыдзи эськӧ олі, эз кӧ вӧв дона «Би киньным»? Та вӧсна окота сины журналлы став бурсӧ да водзӧ нимкодьӧдны миянӧс.
Горчакова Лиза.
«Би кинь» журналысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.