Тайӧ мичасьыс-мича пася Кӧдзыд пӧльыс да Лымнылыс – дзик збыльвывса кодьӧсь! Кужӧмаӧсь тай вӧччыны шуда гозъя – Полина да Артемий Барсуковъяс.
Артемийӧс республикаын олысьяс бура нин тӧдӧны кыдзи музыкантӧс да шоуменӧс, а нӧшта «Коми морт» проект дасьтысьӧс. Тайӧ ыджыд уджсӧ котыртӧмас сылӧн медыджыд отсасьысьясыс – композитор да звукорежиссёр Фёдор Латкин да радейтана пӧлыс – Полина Барсукова. Полиналӧн йӧктан котырыс ас кадӧ лоӧма Артемийлӧн уджтасын медся тӧдчана юкӧннас.
Артемийлӧн артмӧны-чужӧны аслыспӧлӧс сьыланкывъяс, кытчӧ сійӧ быттьӧ ворсӧдчигмоз пыртӧ коми кыв. Но буретш татшӧм ногӧн сьылӧмнас ёна содӧ найӧс кывзысьыс, а тшӧтш и нималӧ коми кыв.
Зэв тӧдчана, мый «Коми морт» проект дасьтысьяслӧн петіс нин сьыланкывъяса медводдза альбом! Окотитысьяслы позьӧ кывзыны-тӧдмасьны сыӧн «ВКонтактеын» vk.com/komi_mort11 котырын.
Сиам Артемий Барсуковлы да сылӧн уджтаслы водзӧ нимавны-паськавны да, дерт жӧ, чолӧмалам локтан Выль воӧн!
А «Коми мулӧн» тайӧ петасысь 28-ӧд лист бокын лыддьӧй, кыдзи Артемий да Полина чолӧмалісны Выль воӧн «Коми йӧзӧдчан керкаын» уджалысьяслысь ныв-писӧ.
Галина МАКАРОВА.
Снимокыс Артемий БарсуковлӦн архивысь.