И лоас шыльыд да бур туй

«Машинаӧн ветлан шыльыд да бур туйяс» нацпроект серти регионын тыр ӧдӧн дзоньталӧны-выльмӧдӧны республикаса тӧдчанлуна да районъяскостса туйяс. Коми Республикаса юралысьлысь удж вӧчысь Владимир Уйба соцсетьын аслас лист бокын юӧртіс, мый эштӧдӧны дзоньтасян-выльмӧдан уджсӧ Сыктывдін, Сыктыв, Кулӧмдін да Кӧрткерӧс районъясын. Сэні шыльӧдӧма ставсӧ 15,2 километр вӧлӧк.

Медся уна туй таво бурмӧдӧма Ухтаын (11,8 км), Воркутаын (6,6), Сосногорскын (5,3), Усинскын (5), Емваын (4) да Интаын (3,9 км). 2021 воӧдз шуӧма тшӧтш дзоньтавны Сыктывкарсянь Ухта, Печора да Усинск пыр Нарьян-Марӧдз воӧдчан туйысь 22,9 километр, пасйис Владимир Уйба. Та могысь 2020 воын урчитӧма видзны 450,1 миллион шайт, а проектсӧ збыльмӧдӧм вылӧ ставнас лоӧ вичмӧдӧма 1.132,2 миллион шайт.

«Гӧгӧрвоана, мый республикаын киссьӧм-жугласьӧм туйыс зэв на уна, но тайӧ мытшӧдсӧ вочасӧн венам», – кывкӧрталіс регионӧн веськӧдлысь.

И лоас шыльыд да бур туй

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх