Кӧрткерӧс районса 7 видз-му предприятиеын, 11 фермер овмӧсын, 4 кооперативын уджалӧ кыксё нелямын морт.
Тавося ӧкмыс тӧлысьӧн районын лысьтӧмаӧсь 9.473 тонна йӧв, воддза вося тайӧ жӧ кад серти матӧ сизимсё тоннаӧн унджык. А картупельлысь бур урожай босьтӧмысь фермер овмӧсӧн юрнуӧдысь Николай Королёвлысь нимсӧ пасйӧмаӧсь республикаса видз-му овмӧс министерстволӧн Почёт пӧвйӧ.
Районын экономика сӧвмӧдӧмӧ ыджыд пай пуктӧ и «Важкуръя» овмӧс. Сійӧс вӧлі котыртӧма буретш дас во сайын – 2016 вося арын. Веськӧдлӧ овмӧснас Надежда Старцева.
Турунсӧ таво заптӧмаӧсь 150 тонна, сенажсӧ – 2.160, силоссӧ – 3.530 тонна. Бура уджалысьяс пӧвстын овмӧсас пасйӧны механизаторъяс Владимир Мишаринӧс да Василий Елфимовӧс, мӧс лысьтысь Александра Филипповаӧс, кук дӧзьӧритысь Галина Мишаринаӧс.
Кӧрткерӧс район талун республикаса агропромышленнӧй комплексын водзмӧстчысьяс лыдын.
<> Гижӧдсӧ дасьтіс Павел Симпелев. Снимокъясыс ӧтуввезйысь.