Ассьыныс татшӧм шыӧдчӧм йӧзӧдӧмаӧсь Удора районса олысьяс «Удора. Онлайн» ӧтуввез котырын.
Найӧ майшасьӧны, Вож посёлокдорса важся вичко заводитӧма киссьыны да.
Вичкоыс 35-ӧд номера вӧвлӧм исправительнӧй колония йӧрын. Волонтёръяслӧн висьталӧм серти, сійӧс кыпӧдлӧмаӧсь дзескыдінын пукалысьяс. Та дырйи сэтчӧ ни ӧти кӧрт тув абу тувъялӧмаӧсь. Стрӧйба пытшкыс пӧ бур на, а ортсыладорсӧ колӧ дзоньтавны.
–Дзоньтасьнысӧ ёна уна кад да вын оз ковмы. Унджыкӧн кӧ да ӧтвылысь босьтчам, ставыс миян артмас, – корӧны-ышӧдӧны волонтёръяс Удораса сикт-грезд-посёлокын олысьясӧс.
Екатерина Васильева. Снимокыс ӧтуввезйысь.
Вай ӧтвылысь босьтчам да дзоньталам