Ольга Баженовалӧн «Кыті некор на некод эз ветлы…» кывбур чукӧрӧн воссьӧ июль тӧлысся номер.
Мортыс нинӧм ыджыдсӧ эз вӧч,
Мамыс весиг нинӧмсӧ эз казяв.
Прӧста сылӧн мӧвпыс — ёна стӧч:
Дзугӧм кывъя гӧрӧдъяссӧ разьӧ.
Гӧрӧд разьсис, воссис паськыд эрд,
Мортсянь мортлы восьтӧмторйыс тырмӧ…
Некоді эз кывлы ни эз тӧд,
Кыдзи мортыс коркӧ гижис
Кывбур.
✅«Олӧм войтъяссӧ» бара на чукӧртӧма-ӧктӧма Алексей Попов.
✅Иван Алексеевич Куратовлы сиӧм рубрикаын вӧзъям тӧдмасьны Диана Холоповалӧн «Быттьӧ ачыс Иван Куратов мыччӧ пырысьлы ассьыс ки…» статьяӧн. Диана Григорьевна дженьыдика висьталӧ И.А.Куратовлӧн Литература музей подув пуктӧм, быдмӧм-сӧвмӧм да талунъя экспозицияяс йылысь.
✅И.А Куратовлӧн Пишпекын медводдза кыргыз школа
восьтӧмын ыджыд тӧдчанлун да пай йылысь лыддьӧй Альберт Ванеевлӧн статьяысь.
✅И сигӧртӧны номерсӧ Иван Куратовлӧн кывбуръяс.
✅Дерт, унатор эм и та кындзи. Журналсӧ позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.