Чилимдін районса Карпушевка грездын воссяс выль социокультурнӧй шӧрин. Кыдзи юӧртіс регионса юралысьлӧн пресс-служба, сиктса войтырлы тайӧ зэв тӧдчана да колана стрӧйбасӧ кыпӧдны шуӧма Коми Республикаса правительство да «ЛУКОЙЛ» мусир перъян компания» ПАО костын ёртасьӧм йылысь сёрнитчӧм серти. Став стрӧитчан, а сідзжӧ выль пызан-улӧс-шкап да оборудование ньӧбӧм вылӧ вичмӧ-дӧма 38,5 миллион шайт.
Социокультурнӧй шӧринас лоас 100 места вылӧ артыштӧм концертасян зал, библиотека, гардероб, гримируйтчан жыр, директорлӧн кабинет да с.в. Ӧти кывйӧн, ставыс, медым вӧлі кӧні грездын олысьяслы да налӧн гӧсьтъяслы кыпыда га-жӧдчыны, шойччыны да пӧльзаӧн коллявны прӧст кадсӧ.
Кольӧм вежонӧ республикаса юралысь Сергей Гапликов да «ЛУКОЙЛ-Коми» ООО-са генеральнӧй директор, «ЛУКОЙЛ» ПАО-са президентӧс Коми Республикаын да Ненеч автономия кы-тшын петкӧдлысь Александр Голованев волісны Карпушевкаӧ да ви-дзӧдлісны-донъялісны, кыдзи кыпалӧ выль шӧриныс. Кыдз тыдовтчис, кызвын уджсӧ сэні вӧчӧма нин.
Помалан выйын нин и пытшкӧссӧ пелькӧдан-мичмӧдан да стрӧйба гӧгӧрсӧ идралан уджыс.
–Грездын олысьяслы кивыв лоас волывлыны тайӧ выль социокультурнӧй шӧринас, сикт шӧрас сійӧ да. Сыкӧд орччӧнӧсь школа да детсад, тані нуӧдсьӧны митингъяс да йӧз-кӧд аддзысьлӧмъяс. Сэсся и тані жӧ кӧсъям меститны, дзоньталам да, лы-зьӧн котралан база, – висьталіс Чилим-дін районса администрацияӧн весь-кӧдлысьӧс вежысь Елена Еремеева.
Казьтыштам, матысса кык воӧн «Культура» национальнӧй уджтас весьтӧ выль социокультурнӧй шӧ-ринъяс шуӧма восьтыны Вуктыл районса Пӧдчерем сиктын да Усинск районса Денисов грездын, таысь кындзи культура керка кыпӧдны Княжпогост районса Чимиавӧрӧк посёлокын.
Снимокъясыс «лУКОЙл-Коми» ООО-лӧн пресс-службаысь.
«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.