ДжыджЪяс кырЪяс бокӧ керка
Вӧчалісны – тырыс розь.
Нимкодясьны позяс, дерт, а
Эн лысьт вӧрзьӧдны – оз позь.
Ыджыд батьӧ ветель кыӧ,
Отсася тшӧтш, ог ов весь.
Эштас мыйӧн, вӧйтас тыӧ,
Сир да налим кыяс сэсь.
Мамыс ВанЬлы конЬки нЬӧбис,
Пластик лыжи нЬӧбис батЬ.
Медым нӧшта содтас эбӧс,
ГантелЬ козЬналіс ВасЬ дядЬ.
Эдик гожӧмбыд видз вылын,
Тальӧ зорӧд, кыскӧ юр.
Тӧвнас школа хорын сьылӧ,
Сылӧн гӧлӧсыс зэв бур.
Юрий кӧсйӧмсӧ эз вунӧд,
Вайис корӧсь сизим гоз.
Кӧть и купайтчӧ быд лунӧ,
Корӧсясьӧ пывсигмоз.
Ябыр воигкежлӧ стӧча
Пӧвъяс вундаліс зіль Вась.
Тувъялас и розьсӧ вӧчас,
Воас ябыр – позйыд дась.
Александр УЛЯШЕВ.
Серпасаліс Геннадий Шарипков.
Коми анбур серти посни челядьлы кывбуръяс