Мужикъяс нӧ быдмывлӧны оз?
Век мӧй дурӧм налӧн челядь моз?
Аслыс дасьтыны оз кужны сёйны,
Дасьсӧ – сюрлӧ пызан пасьта койны.
Нинӧм налы местаысь оз сюр,
Шӧйӧвошӧмаӧсь, висьӧ юр:
«Кӧні менам гачӧй?». Индан – шкапын,
Киас эз кӧ чеччышт, шуас: «Абу».
Висьмасны кӧ, быттьӧ воӧ пом,
Няргӧмысла оз и тупкысь вом.
Быттьӧ сэсся зырым вӧсна кулӧ,
Помтӧг градусникыс киняулын…
Миянӧс оз гӧгӧрвоны пыр,
Шуасьӧны, ныв пӧ бызгӧ дыр…
Ньӧбасьнытӧ лавкаысь оз артмы,
Он кӧ водзвыв буриника нартит.
Уджыд налӧн дуртӧг оз жӧ мун,
Оз кӧ йӧйталыштны – весьшӧр лун!
Ӧти мӧдсӧ вартӧ. Мӧдыс воча
Пель дін бокас сӧмын гигзьӧ-шлочкӧ!
Кӧлысь бӧрся гӧтыр вежӧ мам,
Верӧсыдлӧн быттьӧ вошӧ сям…
Гашкӧ, гӧтыраыс татшӧм лоӧ?
Торйӧн мужичӧйыд асшӧр олӧ?
Мария Шомысова.
Серпасаліс Ирина Бенько.
Челядь руа мужик