Кӧза-тошка молодеч

Дыр нин тошкӧн ветлӧдліс да

Йӧзлысь серам петкӧдліс,

Йӧзлысь серам петкӧдліс да,

Кӧза тошсӧ летйӧдліс.

 

Ӧні мортыд шырсьӧма да,

Ёнакодь ӧд мырсьӧма.

Ёнакодь ӧд мырсьӧма да,

Шыраныс пӧ нырсьӧма.

 

Важӧн нин пӧ колӧма да,

Век на мыйкӧ полӧма.

Век на мортыд полӧма да,

Пӧгибӧ нин волӧма.

 

Ва воссьӧм пӧ виччыси да,

Сы дыра пӧ кутчыси.

Сы дыра пӧ кутчыси да,

Нюмдас – пиньыс мыччасьӧ.

 

Ӧні мортыд томмӧма да

Лӧсьыд зонмӧн лоӧма.

Лӧсьыд зонмӧн лоӧма да,

Пыр и нывка ковмӧма.

 

Гӧтыр на пӧ лӧсьӧдла да,

Мичаа пӧ вӧччӧдла.

Мичаа пӧ вӧччӧдла да,

Кор пӧ ковмас – пӧрччӧдла.

 

Вой кежлас пӧ пӧрччӧдла да

Ёна на пӧ пӧсьӧдла.

Ёна на пӧ пӧсьӧдла да,

Кага на пӧ лӧсьӧдла…

 

Александр Уляшев,
Скӧрӧдум сикт, Кулӧмдін район.

Серпасаліс Николай Парфентьев.