2022 воын «Экология» нацпроект серти вӧлі индӧма вӧрсьӧдны 53,3 сюрс гектар пӧрӧдчӧмин. Садитӧмаӧсь жӧ пуяссӧ 57,6 сюрс гектар – 7,5 прӧчентӧн унджык.
«Видзам вӧр» акция дырйи Комиын вӧлі садитӧма Россияса мукӧд регионын серти медся уна пу – 4,7 миллион. Вӧрӧн вӧдитчӧмысь федеральнӧй бюджетӧ Коми Республика вуджӧдӧма 2,3 миллиард, республикасаӧ – 1,65 миллиард шайт да меставывса сьӧмкудъясӧ – 352 миллионысь унджык.
Парма-ягын кусӧдчысьясӧс могмӧдӧма 91 прӧчент колана техникаӧн, кольӧм во налы воӧма нӧшта 8 сикас техника. Кык пӧв – сё ветымын мортӧдз – содӧма и парашютно-десантнӧй службаын кусӧдчысьыс. 340 километр сайӧ ты-ю берег лои весалӧма лӧп-ёгысь. 25 сюрс морт петалӧма вӧчны вадорын тайӧ колана уджсӧ.
Мӧймуся апрель 23 лунсянь май 21 лунӧдз субӧтникъяс дырйи 17 сюрс морт пелькӧдӧмаӧсь-идралӧмаӧсь 739 гектар, чукӧртӧмаӧсь 909 тонна шыблас, бырӧдӧмаӧсь яг-раскын аснаукӧн вӧчӧм 20 шыблас чукӧр.
<> Лист боксӧ дасьтісны Александра АРТЕЕВА да Павел СИМПЕЛЕВ.
Снимокыс ӧтуввезйысь.