Коми Республикалы 100 во тыригкежлӧ Сыктывкарын йӧзӧдӧма Майя Бурлыкиналысь «Колыбельная Прометею, или Нювчимские Чисталёвы» небӧг. Та вылӧ сьӧмсӧ вичмӧдӧма Коми Республикаса нацинальнӧй политика министерство.
Небӧгас шӧр геройыс – коми композитор, финн-йӧгра культура туялысь, йӧзкостса шылад ворсан инструментъяс чукӧртысь, Коми АССР-са композиторъяслӧн котырӧн медводдза веськӧдлысь Прометей Ионович Чисталёв (1921-1988).
Лыддьысьысь уна выльсӧ тӧдмалас и Прометей Ионовичлӧн матыссаяс, рӧдвуж да уджъёртъяс йылысь. Тӧдчанаӧсь небӧгас поэт-просветитель Иона Тимофеевич Чисталёв (Жан Морӧс, Прометейлӧн бать) да композитор-фольклорист Павел Анисимов йылысь пасйӧдъяс.
–Февраль 27 лунӧ нимӧдам Прометей Ионович Чисталёвӧс, кодлӧн чужӧмсянь тырӧ 100 во. Композиторлысь шыладсӧ пыртӧма Коми Республикаса «Асъя кыа» сьылан да йӧктан ансамбль-лӧн сідз шусяна зарни фондӧ. Небӧгсӧ гижысьыс – Майя Ивановна Бурлыкина – нималана учёнӧй, культурологияса доктор, профессор, Сыктывкарса канму университетын просвещение музейлы подув пуктысь. Чайта, сылӧн тайӧ небӧгыс лоӧ йӧзкостса шылад радейтысьяслы зэв бур козинӧн, – тӧдчӧдіс Коми Республикаын национальнӧй политикаса министр Роман Носков.
«Колыбельная Прометею, или Нювчимские Чисталёвы» небӧгсӧ нимӧдасны Питирим Сорокин нима Сыктывкарса госуниверситетын да Сыктывдін районса музейясын.