Уджыс мунӧ водзӧ

Пуляӧн да стендӧвӧй лыйсьӧм кузя федерация водзӧ нуӧдӧ «Лыйсьы стӧча, шедӧд ГТО пас!» уджтас, код серти отсалӧ сӧвмӧдны лыйсян спорт республикаса сикт-грездъясын. Со и та пӧрйӧ тиръясын колана эмбур, светодиоднӧй лампаяс да мишеня установкаяс мунасны Поддзӧ да Айкатылаӧ.

Татшӧм лампаяс миянлы важӧн нин колӧны — бура югзьӧдӧм тирын и результатъяс бурджыкӧсь, тшӧтш и челядьлӧн синъясыс озджык мудзны, а налӧн дзоньвидзалун, гӧгӧрвоана, медтӧдчанатор, — висьталіс Андрей Сирий, Койгорт районса Поддзысь тренер.

Лӧсьыдджыка кутасны мунны тренировкаяс и Айкатылаын. Сэтчӧс тирӧ ветлӧдлӧны матӧ дас ныв-зон. Челядьӧс туйдысь-велӧдысь Виталий Королев кывъяс серти, томулов радпырысь волӧны тирӧ да сьӧлӧмсяньыс сӧвмӧдӧны лыйсян сямнысӧ.

Окота аттьӧавны федерацияын зільысьясӧс татшӧм колана отсӧгысь. Нимкодь, мый миянлы, спортсменъяслы кӧть любительяслы, ас сиктын водзмӧстчысьяслы эм код дорӧ шыӧдчыны отсӧгла либӧ сӧветла, — кывкӧрталіс Виталий Королев.

Мария ИГУШЕВА.

Уджыс мунӧ водзӧ

«Йӧлӧга» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх