Россияса вице-премьер Дмитрий Чернышенколӧн индӧд серти странаса регионъясын вежӧны велӧдысьлы удждон мынтанног.
–Комиын велӧдысьлӧн окладыс ӧні 13 сюрс шайтысь муртса унджык, – висьталіс Коми Республикаса правительствоӧн веськӧдлысьӧс вежысь Наталья Якимова. – Миян мог – вайӧдны окладсӧ медічӧт удждон тшупӧдӧдз. Сентябрь помӧдз кар-районса велӧдан управлениеясӧн веськӧдлысьяскӧд став документас пыртам вежсьӧмъяс.
Наталья Якимовалӧн кывъяс серти, Россияса правительстволӧн аппараткӧд сёрнитчӧмаӧсь нин, медым велӧдысьяслы выль ног удждон вештігӧн босьтны тӧд вылӧ регионса бюджетлысь позянлунсӧ. 2027 вося январь 1 лунсянь велӧдысьяслысь окладсӧ шуӧма вайӧдны 2026 вося медічӧт удждон тшупӧдӧдз.
–Колӧ, медым ки выланыс босьтӧм удждоныс эз чин, а содіс. Таво Россияса президент Владимир Путин аслас индӧдӧн вынсьӧдіс велӧдысьлысь ыджыд тӧдчанлунсӧ, и мед эськӧ сылӧн нажӧткаыс лӧсяліс талы, – пасйис республикаса юралысь Ростислав Гольдштейн.
<> Гижӧдсӧ дасьтіс Павел Симпелев.