Комиын том семьяяс вермасны босьтны оланін ньӧбӧм-кыпӧдӧм вылӧ государствосянь сьӧма отсӧг.
Та могысь колӧ, медым гозъяысь кӧть ӧтиыс вӧлі 35 арӧсысь томджык, а сідзжӧ мед налы быть колӧ бурмӧдны оланінсӧ.
Регионса том йӧз политика министерствоысь юӧр серти, такӧд йитӧдын челядя да ӧткӧн кага быдтысь мамлы либӧ батьлы шуӧма вештыны выль оланін донсьыс 35 прӧчент, а том гозъялы, абу на кӧ налӧн кагаыс, – 30 прӧчент.
Татшӧм отсӧгсӧ медвойдӧр шуӧма сетны куим да унджык челядя, а сідзжӧ спецоперацияса военнослужащӧйлӧн да ветеранлӧн семьяяслы.
<> Гижӧдсӧ дасьтіс Александра Артеева.
Оланін кыпӧдны-ньӧбны