РФ-са президент Владимир Путин кырымаліс оланпас, код серти локтан воын Россияын тӧлысся медічӧт удждоныс (МРОТ) лоас 27.093 шайт.

Регионъяслӧн эм позянлун рай-коэффициент да Ылі Войвылын уджалан стажысь содтӧд артыштӧмӧн урчитны МРОТ-сӧ федеральнӧйысь унджык. Сідз, регионса экономика министерствоысь юӧр серти, январь 1 лунсянь Комиын МРОТ-ыс лоас лунвыв районъясын 46 сюрссянь войвылын 65 сюрс шайтӧдз.