Восьта лента, но и но!
Ставныс ӧти сынан улын,
Лымъялӧма гӧгӧр со
Кыдзкӧ-мыйкӧ ӧти лунӧ!
Некод снимайттӧг эз коль.
Он ӧд тӧдлы, регыд сылас…
Петавлыны тшӧтш жӧ что ль
Медводз лымъя ывлавылас?
Лымйыд эськӧ сійӧ мый.
«Образ» аслыс вӧчалӧны!
Серам петӧ, кӧть тэ лый,
Збыльнӧй мортыс сэсся кӧні?
Сэтшӧм мортыс аслыс лёк,
Мый нин мичаммӧдӧ чужӧм?
Мичыс вылад ӧд оз лок,
Колян сэтшӧм, кутшӧм чужин.
Кор нин гӧгӧрвоас морт:
Мичыс сӧмын пытшкас сылӧн…
Серпасав кӧть аслыд борд,
Лэбан-ӧ тэ сійӧн ылӧ?
Мария Шомысова.
ВК лента