Томулов воӧ «Регион для молодых» федеральнӧй уджтас серти Усинскын выльмӧдӧмаӧсь том йӧзлысь шӧрин да Ухтаын том войтырлысь керка.
Сыктывкарын Быт керкаса нёльӧд судтаын кӧсйӧны восьтыны том йӧзлы ресурс шӧрин.
–Юркарса томуловлӧн сэки лоас позянлун збыльмӧдны ассьыныс проектъяс, нуӧдны быдсикас семинар, мастер-класс, концерт, аддзысьлӧм, – висьталіс регионысь удж, занятосьт да йӧзӧс социальнӧя доръян министерствоӧн веськӧдлысь Екатерина Грибкова. – Ресурс шӧриныс кутас отсавны и гранта конкурсӧ пырӧдчысьяслы, форум-слёт котыртысьяслы.
2023 воас «Регион для молодых» программа серти федеральнӧй бюджетысь (республикаса кудйысь торйӧдӧм сьӧмсӧ тшӧтш тӧд вылӧ босьтӧмӧн) Комилы вӧлі вичмӧдӧма 142,5 миллион шайт субсидия.
Сійӧс вӧлі веськӧдӧма том йӧзкӧд аддзысьлӧм-чукӧртчӧм нуӧдӧм да инфраструктура лӧсьӧдӧм вылӧ. 42 миллион шайт торйӧдӧма Сыктывкарын ресурс шӧрин восьтӧм могысь.
<> Гижӧдсӧ дасьтіс Павел Симпелев.