Август 9 лунӧ «Монди Сыктывкарса лесопромышленнӧй комплекс» акционер котырын босьтчисны капитальнӧя дзоньтавны техника-оборудование. Став дзоньтасян уджсӧ шуӧма эштӧдны 18 лунӧн.
Торйӧн кӧ, капремонт дырйи эрдӧдасны-бырӧдасны ТЭЦ-са содорегенерируйтан пӧртлӧн, целлюлоза да кабала вӧчан машинаяслӧн уджын тырмытӧмторъяс.
Та бӧрын комбинатын позяс во гӧгӧр чӧж уджавны-мырсьыны нелючкитӧг.
«Монди Сыктывкарса ЛПК»-ын зільысьяс кындзи дзоньтасьӧны тшӧтш квайтымынысь унджык пӧдрада котыр, на пӧвстысь джынйыс – асланым республикаса.
–Уджсӧ бергӧдӧны комбинатса войтыр да бокысь корӧм матӧ кык сюрс специалист.
Та дырйи ми зэв кывкутӧмӧн видзчысям капремонт вӧчысьяс пӧвстын коронавируса висьӧм паськалӧмысь. Миян компаниялы медся тӧдчанаыс – мед йӧзыс вӧліны дзоньвидзаӧсь, – пасйис «Монди Сыктывкарса ЛПК»-ысь генеральнӧй директор Клаус Пеллер.
Дон босьтӧмӧн.