Коми Республикаын пыдди пуктана олысьяс! Чолӧмала тіянӧс Семьялӧн йӧзкостса лунӧн!
Вывтіасьтӧг позьӧ шуны, мый семья – мортлӧн медыджыд озырлуныс: матыссаясыд отсаласны сьӧкыд здукӧ, юкасны радлунтӧ. Семьясянь пансьӧ мортлӧн олӧмыс, семьяын сійӧ сӧвъяммӧ-мортъяммӧ. Государстволӧн мог – вӧчны став позянасӧ, медым быд семьяын тыр-бура олісны, ӧд тайӧ петкӧдлӧ, мый и ставнас странаын олӧмыс тыр-бур.
Россияса семьяяс век вӧліны уна челядяӧсь. И зэв тӧдчана, мед бать-мам медводдза кага чужтӧм бӧрын мӧвпыштчисны лӧсьӧдны мӧдӧс, коймӧдӧс. Ӧд кымын ыджыдджык семьяыс, сымын ёнджыка сэні радейтӧны да гӧгӧрвоӧны ӧта-мӧдсӧ, сымын шудаджыкӧсь сэні и челядь, и бать-мам. И кымын унджык лоас татшӧм крепыд семьяыс, сымын вынаджыкӧн лоасны миян республика да миян страна.
Кӧсъя сины Комиын став семьяыслы – и томыслы, и уна челядяыслы, и бать-мамлӧн дӧзьӧртӧг кольӧм ныв-зонмӧс быдтыны босьтӧмыслы – тыр-бур олӧм, дзоньвидзалун да шуд. Радейтӧй да видзӧй ӧта-мӧднытӧ!
Владимир УЙБА, Коми Республикаса юралысьлысь удж вӧчысь.