Лои вӧчӧма Россияса «Знание» обществоӧн бать-мамлы котыртӧм конкурслы кывкӧртӧд. Вермысьяс лыдын 71 регионысь 395 проект, на лыдын и Кӧрткерӧс районса командалӧн.
Висерса школа вӧзйӧма «Шензьӧдана сикт» уджтас, код серти шуӧма дасьтыны район историяӧн тӧдмӧдан видео. Та могысь гранта отсӧгыс артавсьӧ 1.005 788 шайт.
Проектсӧ дасьтыны ышӧдӧма Висерса школаын челядьӧс воспитайтӧм кузя директорлӧн сӧветник Таиса Михайлова. Сылы отсасьӧмаӧсь велӧдчысьяслӧн бать-мам – Оксана Пинягина да Анна Лавицкая. Коми кыв да культура пыр уджтассӧ йитӧмаӧсь Россияын войтырӧс ӧтувтан вокӧд.
И сідз, грант босьтӧма, водзын – йӧзлы колана, проектсӧ збыльмӧдан кывкутана удж.
* * *
Конкурсыс йитчӧма «Том йӧз да челядь» нацпроекткӧд, кодӧс збыльмӧдӧны Россияса президент Владимир Путинлӧн индӧд серти.
Гижӧдсӧ даьтiс Екатерина Микушева. Снимокыс \туввезйысь.