Комиын сикт-грездын олысьяслӧн эм позянлун босьтны керка-патера кыпӧдӧм-ньӧбӧм вылӧ государствосянь сьӧма отсӧг.
Та могысь республикаын збыльмӧдсьӧ «Инфраструктура для жизни» национальнӧй проект весьтӧ овмӧдчӧминъяс сӧвмӧдан программа.
Тайӧ уджтас сертиыс шуӧма сьӧма отсӧг сетны специалистъяслы, кодъяс олӧны нин сиктын да уджалӧны видз-му овмӧсын, велӧдан, культура, медицина, социальнӧй да мукӧд учреждениеын, либӧ дасьӧсь локны да инасьны сэтчӧ удж вылӧ.
Керка-патера кыпӧдӧм-ньӧбӧмкӧд йитӧдын государствосянь сьӧма отсӧг весьтӧ урчитӧма вештыны став рӧскодсьыс 70 прӧчентсӧ.
Та дырйи колӧ, мед мортыслӧн вӧлі помка бурмӧдны оланінсӧ, а сідзжӧ вермис вештыны коляс 30 прӧчент рӧскодсӧ.
Сэк жӧ медводз шуӧма видлавны шыӧдчӧмсӧ семьялысь, кӧні быдмӧны куим да унджык челядь.
Сідзжӧ тӧдчана, мед райадминистрацияӧ сьӧма отсӧгла шыӧдчысьыс кӧсйысис уджавны сиктас вит воысь эз этшаджык.
* * *
Казьтыштам, таво заводитчӧмсянь Комиын оланін кыпӧдӧм-ньӧбӧм вылӧ государствосянь сьӧма отсӧгсӧ, ӧтув артыштӧмӧн 55,7 миллион шайт, сетӧма сикт-грездса 23 семьялы.
На лыдын Изьва, Койгорт, Сыктывдін, Сыктыв, Луздор, Емдін, Кулӧмдін да Чилимдін районъясын олысьяс.
<> Гижӧдсӧ дасьтіс Александра Артеева. Снимокъясыс ӧтуввезйысь.