Таво Комиын 1.359 пенсионер босьтӧны видз-му овмӧсын дыр уджалӧмысь РФ-са Социальнӧй фондлӧн регионса юкӧнсянь страхуйтӧм пенсия дораныс содтӧд 25 прӧчент, таво быд тӧлысь – 2.226,93 шайт.
Та вылӧ право сетӧма сиктын олысь ыджыд арлыда йӧзлы, оз кӧ нин уджавны да видз-му овмӧсын зільӧмаӧсь комын воысь дырджык.
Та дырйи тӧд вылӧ шуӧма босьтны РФ-са правительстволысь 2018 во ноябрь 29 лунся постановление, кӧні урчитӧма пенсия дорӧ содтӧд сьӧм мынтӧм могысь видз-му овмӧсса профессия-специальносьт-должносьт.
Торъя тӧдчанлун сетӧма колхозын, совхозын, фермер овмӧсын, а сідзжӧ видз-му артельын уджлы – татшӧм овмӧс-котырас 1992 вося январь 1 лунӧдз став уджалан кадсӧ шуӧма артыштны специальносьт-профессия-должносьт вылӧ видзӧдтӧг.
Сиктса мортлы пенсия дорас тайӧ содтӧдсӧ кутасны мынтыны и сэк, вуджас кӧ сійӧ овны карӧ. А пенсия босьтан арлыднас кӧ водзӧ на уджаліс, бӧрынджык вермас шыӧдчыны соцфондӧ пенсиясӧ выльысь арталӧм могысь. Таво такӧд йитӧдын шыӧдчылӧма комын кык морт.
А локтан вося январсянь олӧма йӧзлы оз нин ковмы тайӧс вӧчнысӧ, соцфондын зільысьяс ас выланыс босьтасны став рӧштшӧтсӧ, ковмас кӧ кодлыкӧ выльысь артавны пенсиясӧ. <>
Гижӧдсӧ дасьтіс Елена ОСИПОВА. Снимокыс ӧтуввезйысь.